मनोज बोगटी कवि हुन् । कथाकार हुन् । अनुवादक हुन् । समिक्षक,
आलोचक, समालोचक पनि हुन् । कुनै पनि विधा होस्, बोगटी आफ्नो लेखनमा दार्जीलिङे स्वाद, सरोकार र सवाल पस्किन्छन् । संवेदी प्रश्नमा त्यसैका प्रतिविम्बहरू छन् । भारतीय गोर्खे जीवन, समाज र मूल्यहरू संवेद्य हुन् कि होइनन् ? आलोचकीय आँखाले आफ्नो समयलाई नियालेर हेर्दा के के देखिँदा हुन् ? आफ्नै जीवनलाई एकपल्ट कोट्याएर सुँघ्दा के आउँला ? गन्ध, दुर्गन्ध कि वासना ? इतिहासका हरफहरूमा कतै कहीं कुनै हिज्जे त गलत छैनन् ? साहित्यको आँखापलकमा किन डार्क सर्कल छ ? राजनीति किन यति निम्छरा ? विचारको बजार कहाँ पुग्यो ? मूल्यको पात कुन कीराले खाइरहेछ ? यस्ता कैयौं संवेदनशील प्रश्नहरूतिर लम्किरहेको एक युवा यात्रा हो- संवेदी प्रश्न ।